Les mots surlignés font l'objet d'une note
1Monsieur, trovant ceste commodité de monsieur de Bazemont,
2je vous ay bien voullu advertir de mes novelles. J’ey
3tant différer, pensant le vous mander meilheures
4et que je feusse dans nostre Mais J’en
5suys plus loing que jamais, et fault
6quendurons que de coquins y soient et nous
7retires à la ville. Despuis que je ne vous
8ay veu, je n’ay jamais faict que courir. Je
9pence que monsieur le présidant Belièvre vous
10aura adverty de notre voyage de Beaucaire.
11Despuys, j’ay esté à Aix et porté lettres et commission
12de monsieur de Carces pour les faire sortir du
13chasteau, mais ilz n’ont jamais rien voullu faire et
14despuys deux jours, il a mandé de ne bouger
15pour d’advertissemantz qu’il m’a mandé qu’ont estés
16forgés au chasteau de Montsegur comme je
17scay pour vray. Monsieur de Bazemont les a
18veuz qui vous dira la belle chose que c’est
19ou en une façon ou autre et monsieur d’Entrecastraulx
20faict sortir son père de sa maison, ayant bien
21dict en la présence de monsieur de Carces que puis
22qu’il voulloyt lever la garnison, qu’il les
23y tiendroyt à ces despans. Monsieur de Bazemont
24vous comptera plus amplement. Il nous font
25beaucoup de dignités, jusques ama de pierres
26contre le logis de monsieur le conte. Je ne vous
27envoyeray plus de ses proppos car il
28est trop fascheux. J’ey mandé vers monsieur
29le mareschal. Je ne scay s’il y remédiera. Je
30désire bien que vous vinciés de par deça apprès les
31estatz, comme m’avyés dict, pour prendre advys et
32conseil de vous comme je me doibz governer.
33[v] Revenant d’Aix, j’ay passé à Gargas et bien peu
34aresté. Madamoiselle de Cazeneufve me feist la
35meilheur chère du monde et ce porte fort bien comme
36font tous messieurs vous frères et enfans. Je
37n’obliay pas de parler de ce que vous scavés. Ilz m’ont
38monstré le prendre tout en bonne part. Aussy,
39je le leur dis d’aussy bon ceur comme vouldroys
40estre à moy car je désire vostre contantemant
41et leur bien, comme d’ung frère que icy j’heuz de
42novelles de monsieur d’Antibou là où il me
43commande vous présenter ses très humbles recommandations
44à vostre bonne grâce. Je désire infiniment
45de vous voyr pour vous dire de choses
46que je ne vous peulx escripre. J’atandz monsieur de
47Rousset de jour en jour yci. Je pence que le
48maulvais temps l’aura arresté en quelque lieu,
49vous suppliant que je demeure à vostre bonne
50grâce et souvenance, à laquelle très humblement
51me recommande, priant Nostre Seigneur vous
52donner
53monsieur, en parfaicte santé longue et très heureuse
54vye. De Greignan, ce VIIe décembre
55Vostre très humble et hobéissante
56cousine
57Lucrèce d’Antiboul
58Je vous supplie très humblement
59me permettre de présenter mes
60très humbles recommandations aulx
61bonnes grâces de madame de Gordes.